Categorías
Torneo de Chave no Bar Anxo
E gañou a parella formada por Emilio e Lolo
Categorías
Sen liga de Chave no 2020
Debido ao coronavirus este ano ficamos sen campionato de Chave.
No mes de xuño xa comezan a botar partidas no Anxo e no Muiño de Lermo, e nalgunha outra eira.
Categorías
Adestrar coa incre de crabuñar
Atopei unha vella incre de crabuñar, era a ferramenta usada para afiar as gadañas, chantábase sobre un buraco dun banco de traballo e golpeábase o gume da gadaña (crabuñar) para despois afiar.
E resulta que ten o tamaño ideal para lanzarlle uns pesos agregando un pouco de dificuldade por ser unha barra estreita e sen ter que ir colocala cada vez que se bate nela por estar chantada.
De feito parécese algo á chave da foto de principios de 1900 onde xogaban á Chave en Corcubión.
No 2008 editáronse unha serie de selos de tres deportes populares, entre eles a Chave. O debuxo da chave corresponde á Chave de Ourense e Pontevedra que parece máis vistoso que a Chave de Santiago de Compostela.
Categorías
Que son … as liñas que marcan os pesos?
Esta pergunta tamén é doada. Como normalmente nas partidas, no xogo por parellas, lánzase por contrarios e conta, ademais da chave, o peso máis próximo da chave, as liñas serven para diferenciar o xogador que lanzou dito peso.
Categorías
Fotos da Chave de 1924
Aquí mostro dúas fotos de 1924 do xogo da Chave de 1924. Están localizadas en Corcubión.
Nunha delas a Chave parece unha veleta, que ben pode ser a orixe da variante de chaves xiratorias. Os pesos parecen algo máis pequenos que os actuais.
Na outra hai un señor lanzando, mais non se pode apreciar a distancia de lanzamento.
Categorías
Que é … arriba! ?
Esta é doada. Cando o peso vai en boa dirección mais a altura é baixa e bate xusto ao lado da chave sen dar nela a parella que está no posto da chave indica ao lanzador: arriba! para que no seguinte lanzamente levante o tiro.