Xogo da chave de Santiago de Compostela e arredores
Esta pergunta tamén é doada. Como normalmente nas partidas, no xogo por parellas, lánzase por contrarios e conta, ademais da chave, o peso máis próximo da chave, as liñas serven para diferenciar o xogador que lanzou dito peso.
Aquí mostro dúas fotos de 1924 do xogo da Chave de 1924. Están localizadas en Corcubión.
Nunha delas a Chave parece unha veleta, que ben pode ser a orixe da variante de chaves xiratorias. Os pesos parecen algo máis pequenos que os actuais.
Na outra hai un señor lanzando, mais non se pode apreciar a distancia de lanzamento.
Esta é doada. Cando o peso vai en boa dirección mais a altura é baixa e bate xusto ao lado da chave sen dar nela a parella que está no posto da chave indica ao lanzador: arriba! para que no seguinte lanzamente levante o tiro.
Unha pergunta reiterada da xente que pasa cando estou a adestrar é a de que como se chama e cando se inventou ese deporte. Evidentemente a miña resposta é que se chama Chave e que non sei cando se inventou, que é un xogo tradicional e que a súa orixe é bastante atrás no tempo.
Procurando información sobre o xogo atopei unha páxina sobre Bueu que fala dun documento e ten foto do documento de 1906. Trátase dunha denuncia sobre tres veciños da parroquía de Beluso que ao ocupar a eira para xogar non deixaban pasar os burros.
Aquí inclúo a ligazón: http://acidras.blogspot.com/2019/02/xogadores-da-chave-de-beluso-non-deixan.html
Estoutro día parou un rapaz para ver como adestraba. Ao pasaren dez minutos díxome que quería probar, era un estudante de Carolina do Norte. De tres atacadas de catro lanzamentos que fixemos os dous demos as mesmas chaves: tres.
Moi bon resultado para un novato, así que tras perguntarlle díxome que en Carolina do Norte xogaba a un deporte de puntería similar ao xogo da chave. Lanzan desde 9 metros uns sacos pequenos e pesados contra un taboleiro inclinado con un buraco na parte superior.
Cando o peso bate na punta da chave e dá un chimpo dando unha volta enteira estamos ante un Pincha carneiro da chave. Non ten puntuación especial mais implica un bon impacto.
………………………………………………………GAÑADAS PERDIDAS
Cando os dous contrarios acertan os dous tiros da chave, non se suman os 16 puntos e os dous tiradores volven lanzar, isto é, baixan para volver lanzar.
Cando esta situación se repite varias veces é cando se usa a frase “baixar varias veces”, por exemplo: baixamos 10 veces significa que os dous xogadores fixeron chave duplicada durante dez tiradas seguidas.